Vandejoare komt de Warmste Weke weire no Brugge. En just lik verleden joare gon de gidsen van de Gidsenkring een wandelienge organiseren in Brugge om ’t goeie doel te steunen. We gon vandejoare vlammen tegen de eènsaamhiet.

En iedere gids got da in zen eigen Brugsch doen, van ’t gekuuste Brugsch ut St-Andries toe ’t platste Brugsch ut ’t Gotje en olles do tussenin. Da go plezant zien. Ai je giender wilt weten oe dat da gegoan is tussen Boedewien en Judith, of tussen Serena en eur spinnen, ton moei ofkommen, en nie dovoaren allène nateurlik mor ook vo ‘t goeie doel te steunen.

We weten wel da je giender ollemolle Brugsch verstoat, mo vor olle zekeriet gon we de praktiese zakens hieroender toch mo in ’t geweun Vloams der bie zetten.

Praktisch:

Start van de wandelingen : Historium Markt Brugge

Deelnameprijs €15. Kinderen tot 12 jaar gratis. De volledige opbrengst gaat naar de Warmste Week.